Նիկոլ Փաշինյանի կողմնակիցները Եռաբլուրում շշով հարվածել են Մարգարիտա Խաչատրյանի /Մառոզի/ գլխին
Այսօր վաղ առավոտից ազատամարտիկները և պատերազմում զոհվածների հարազատները Եռաբլուրում էին՝ ՀՀ վարչապետ Նիկոլ Փաշինյանի երթին ընդառաջ։
Հիշեցնենք, որ վարչապետ Նիկոլ Փաշինյանի գլխավորած երթի մասնակիցները, ճեղքելով ազատամարտիկների և զոհվածների հարազատների կազմած պատը, ծեծկռտուք հրահրելով են կարողացել մուտք գործել Եռաբլուր:
Վաղ առավորից Եռաբլուրում էր նաև «Զինվորի մայր» ՀԿ նախագահ Մարգարիտա Խաչատրյանը / Մառոզ Մարգոն/, ով հայտարարում էր, թե ոնց եք պատկերացնում բանակ չծառայած դասալիքը պետք է գա զինվորի շիրիմին ու ասի՝ խոնարհվում է, երբ ինքն արդեն Ալիևի կոշիկը լիզել է։ Բախումների ժամանակ վարչապետ Նիկոլ Փաշինյանի կողմնակիցներից մեկը շշով հարվածել է Մարգարիտա Խաչատրյանի գլխին: Կապ հաստատեցինք վերջինիս հետ, պարզելու համար, թե ինչպես է նրա ինքնազգացողությունը: Մարգարիտա Խաչատրյանը մեզ հետ զրույցում ասաց, որ դեռ իրեն վատ է զգում, բարձր ճնշում ունի:
