ՇՏԱՊ. Խնդրում եմ՝ սադրանքների չտրվել
«Ազգային անվտանգություն» կուսակցության նախագահ Գառնիկ Իսագուլյանը իր ֆեյսբուքյան էջում գրում է.
Սիրելի հայրենակիցներ, քիչ առաջ սոցցանցերում տարածվել է մի տեղեկատվություն, որ իբրև ադրբեջանական զինվորական շարասյունը մոտենում է Ջերմուկին (առկա է ինչ-որ տեսանյութ)։
Պաշտոնապես հայտնում եմ, որ այդ տեսանյութը նկարահանված է ոչ թե Ջերմուկի մոտակայքում, այլ Մեծ Ալ լճի (Ալագյոլ) շրջակայքում։ Տեսանյութում երևում է թե ինչպես են մեր հայկական զինված ուժերը նախազգուշացնում ադրբեջանական շարասյանը չառաջանալ, որին ի պատասխան շարասյունը կանգ է առնում։
Անձամբ հաստատում եմ, որ ադրբեջանական զորամիավորումներին կանգնեցնող անձանցից մեկը իմ մտերիմ ծանոթներից է։
Խնդրում եմ, սադրանքների չտրվել և նման ցանկացած հրապարակում մեկնաբանելուց առաջ կապվել Հայաստանի Հանրապետության ԶՈւ գլխավոր շտաբի լրատվական կենտրոնի հետ։
Հիշեցնում եմ` տեսանյութը անմիջապես Ջերմուկում չէ նկարահանված, այլ Մեծ Ալ լճի (Ալագյոլ) շրջակայքում:
