ԱԴՐԲԵՋԱՆԱԿԱՆ ՈՒՐԱԼՆԵՐԸ ԳՈՐԻՍ ԵՆ ՄՏԵԼ ԴԻԵՐ ՏԱՆԵԼՈՒ ՀԱՄԱՐ
Համացանցում հայտնվել է մի տեսանյութ , որտեղ երևում է, որ Գորիսում շրջում է ադրբեջանական զինվորական «Ուրալ» մակնիշի ավտոմեքենա:
Տեսանյութի հրապարակմանը հաջորդեց Գորիսի համայնքապետարանի հերքումը.
«Հարգելի հայրենակիցներ, համացանցում լուսանկար է տարածվում և նշվում, թե իբր այսօր Գորիսում ադրբեջանական պետհամարանիշներով ավտոմեքենա են նկատել: Տեղեկատվությունը չի համապատասխանում իրականությանը. իրավիճակը վերահսկվում է, մեր սահմանները ամուր են, ժամկետային զինծառայողները, ինքնապաշտպանական ջոկատները սահմանի ամբողջ երկայնքով ամուր կանգնած են և թշնամին չի կարող քայլ առաջ կատարել»։
Նշենք, որ մեր հավաստի տեղեկություններով, օրեր առաջ դիերի փոխանակման գործընթաց է իրականացվել, որին անդրադարձել էին նաև ռուսական լրատվամիջոցները՝ նշելով, թե Ուրալ մեքենաներով Սյունիքի մարզի Դավիթ Բեկ գյուղ են ժամանել ադրբեջանցի զինվորականներ՝ Կարմիր Խաչի և ռուս զինվորականների ուղեկցությամբ, որ տանեն իրենց զինծառայողների դիակները:
