Նիկոլ Փաշինյանի աջակիցը, ով պնդում է, որ կռվել է Ջաբրայիլում, ասում է, որ Ջաբրայիլը Քարվաճառն է, չէ վայ, Քելբաջարը
Կառավարության մոտ են հավաքվել մի քանի քաղաքացիներ, ովքեր նշում են, որ այդտեղ են գտնվում Նիկոլ Փաշինյանին աջակցելու համար: Այստեղ նաև զինվորական համազգեստով մի քաղաքացի կա,ով պնդում է, որ ցանկացած կռված տղա աջակցում է Փաշինյանին, իսկ մնացածները «սուտի հավայի» գոռացողներ են:
Երիտասարդն ասաց, որ կոնկրետ ինքը կռվել է Ջաբրայիլում: Նա հայտարարեց, որ Նիկոլ Փաշինյանը ճիշտ է արել Արցախը Ադրբեջանին հանձնելու փաստաթուղթը ստորագրելով. «Որպեսզի 30 հազար տղա ինձ պես գան տուն: Երեք անչափահաս երեխա ունեմ, չգայի՞ հասնեի»:
Նա ասաց, որ պատերազմ գնացել է զինկոմիսարիատի կանչով, մինչև վերջին փամփուշտ կրակել ու տուն է եկել. «Մնայի մեռնեի՞»:
Ավելի ուշ պարզվեց, որ երիտասարդը վերադարձել է հոկտեմբերի 24-ին, պատերազմի ավարտից 16 օր առաջ, իսկ գնացել է հոկտեմբերի 8-ին:
Ավելին՝ այստեղ
