ՔՊ-ական Վահագն Ալեքսանյանը թերևս մոռացել է, որ պատմության մեջ իրենց կուսակցության ղեկավարն ամենախայտառակն է եղել ու այդ առումով հոխորտալու տեղ չունեն...
Gurgen Sargsyan-ը ֆեյսբուքյան իր էջում գրում է․
Ուրեմն ՔՊ կուսակցության հասարակության հետ կապերի համակարգող Վահագն Ալեքսանյանը ֆեյսբուքում գրել է, թե ընտրակեղծարարները, ընտրակաշառարարները ուզում են վարչապետին փոխարինել իրենց թեկնածույով: Եթե իրոնիան այդքան ընդգծված չլիներ անգամ կարելի էր երիտասարդի գրառումից հուզվել: Սույն մտքի գիգանտը բոլորին պախարակելուց առաջ թերևս մոռացել էր, որ իրենց կուսակցության նախագահը՝ Նիկոլ Փաշինյանը, հայոց պատմության մեջ ամենախայտառակ ղեկավարն է, ով ստորագրել է խայտառակ կապիտուլացիոն համաձայնագիր: Սա մի փաստ է, որը խամրեցնում է և «ընտրակեղծարարների» և մերժվածների հետ կոալիցիոն գործընկերության մեջ գտնվողների անցյալում կատարած ցանկացած քայլ: Եվ երիտասարդը, իր կուսակցության նախագահի երեսպաշտությամբ վարակված, կրկին փորձում է մանիպուլացիաների միջոցով շեղել հանրության ուշադրությունը բուն խնդրից՝ Նիկոլ Փաշինյանի հրաժարական:
Այնքան տգետ են ու անմեղսունակ, որ անգամ քաղաքական հետապնդումների արդյունքում կարված քրեական գործերի մասին են հրապարակային հաթաթա տալիս, առանց գիտակցելու, որ հետագայում, երբ արդեն բռնազավթած և տապալած իշխանություն չեն ունենա, այդ ապօրինությունների համար էլ են պատասխան տալու, ինչպես արդեն իսկ հայտարարվել է այդ հետապնդումներին ենթարկված քաղաքական գործիչների կողմից:
