Սերգեյ Շոյգուն հեռախոսային զրույց է ունեցել Ադրբեջանի պաշտպանության նախարարի հետ. աղբյուր
ՌԴ պաշտպանության նախարար Սերգեյ Շոյգուն այսօր հեռախոսային զրույց է ունեցել իր ադրբեջանցի գործընկեր Զաքիր Հասանովի հետ, «ՌԻԱ Նովոստի»-ին հայտնել է ռազմադիվանագիտական աղբյուրը:
«Շաբաթ առավոտյան Բաքվի նախաձեռնությամբ տեղի ունեցել Ադրբեջանի պաշտպանության նախարար Զաքիր Հասանովի հեռախոսային զրույցը ռուսական գերատեսչության ղեկավար Սերգեյ Շոյգուի հետ: Զրույցի ընթացքում քննարկվել են տարբեր հարցեր, որոնք առնչվում են երկու երկրների ռազմական գերատեսչությունների փոխհարաբերություններին եւ համագործակցությանը»,- ասել է գործակալության զրուցակիցը:
«Ռուս նախարարը շեշտել է, որ այդ միջոցառումը պլանային է եւ ոչ մի կերպ կապված չէ ադրբեջանա-հայկական սահմանի ընթացիկ իրավիճակի հետ»,- նշել է նա:
Ռուսաստանում նախագահ Վլադիմիր Պուտինի որոշմամբ հուլիսի 17-ին հայտարարվել է Հարավային եւ Արեւմտյան ռազմական օկրուգների զորքերի, կենտրոնական ենթակայության առանձին միավորումների, Օդադեսանտային ուժերի եւ ծովային հետեւակի անսպասելի ստուգում:
